畫都廢事畫，梳-＿＿＿-"
話說尋晚又係仆街星期五，
我地D雞餐廳梗係要限時啦。
一台訂左6:30pm還枱時間8:30pm既2個阿嬸同一個阿叔係故事既主角。
咁你知實有D客好乖準時還台早成個鐘，
姐係我有陣時7:30pm可以ready張台，我就會叫8:30pm（second round) D客早D到。
係大概7:40到有一兩張台其實ready 左，我就打俾D今日confirm過話過想早黎既客。
我就打左俾一位姓Lee 既小姐，叫佢不如8點到.
佢勁唔好脾氣聽到電話就喝罵： 得啦得啦！！（Cut 線）
Anyway, 咁姐係佢會黎啦，我就hold俾佢。
我地second round就8:30pm開波。
例牌有班含包散唔7明乜9野Book 8:30pm 就8:00pm入黎要台。
好啦！我就話有D台未ready叫去一係出去行陣街，Or 企係出面食風啦。
期間就一直有人不停問，”姓Lee話得啦得啦”果張台坐唔坐得，
我就不停話佢其實黎緊。
8:30pm，故事去番開頭兩嬸一叔張台。
有同事同佢講夠鐘埋單，佢話個蛋糕未食…..(請忽略同事唔跟進蛋糕既問題，我不清楚。)
之後仲講句： 其實我地Book埋8:30pm，唔洗趕我地。
同事話番俾我知，我就行埋去跟進下⋯⋯
我：小姐你貴姓，Book左8:30邊張，我幫你Cancel佢？
佢：其實我同我朋友唔小心大家都Book左，我地溝通得唔係太好（佢地自己鳩笑）
＊＊佢就係果張”姓Lee話得啦得啦”
我：啊～係呀～你一開始唔講既？有心呃我嫁？哈哈（假笑樣）
佢：我地唔記得左講姐。（心虛）
我：但係Ms Lee, 我岩岩打左俾你叫你早D到，點解你提都唔提我，仲Cut埋我線呢？（keep假笑ing）
佢： 我地傾緊計呀嗎～
我：出門果”炸”人其實都想入黎傾計嫁，人地其實可以早D入黎。但係你就阻住左人啦。仲有你Lee張window seat 有人request左嫁。（腎上線急升）
佢：咁我本身夠有Book 8:30pm啦。(燥燥地)
我：小姐，我地唔係淨係做Booking嫁嗎，仲有Waiting list, 而家排到成十幾張台。仲有，如果我地容許客人咁訂台～咁我地分時段黎做咩先？對其他要還台既客人唔公平，唔該你地埋單啦。
佢：下，但係我地仲有個蛋糕未食喎。
我：係囉小姐，如果你地有心還台，點會遲遲都唔叫野食呀又唔起蛋糕呢？我D客係哂出面，我俾多幾分鐘你，姐係又要人等多幾分鐘姐。
佢： ER⋯⋯Sorry 呀小姐，我朋友今日生日，可唔可以俾我地食埋個蛋糕先，我地就即刻走嫁啦～（SORRY mode)
我：我Lee張台有人Book左，你去第二張台速食你個蛋糕，食完要走啦。
之後我地太忙, 出面D客又屌鬼, 都無時間再理佢地。（我地餐廳成日都好忙，少人做野，如果你有興趣番工，歡迎有餐飲經驗既朋友PM me.）
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
同上次果條女唔同，條女會直接了當話自己特登Book埋second round，咁我可以好好咁教（辱）佢。 但Lee班嬸嬸叔好無恥地扮無知，扮On9，真係好離譜。其實我打俾佢果刻，你同我講你坐係度我都係咁嬲，而家根本就存心做我既。
我知好多型棍既你地會話我太仁慈啦，俾佢地食埋既個蛋糕。唉，人地一扮死狗，我就做唔出一鳩拎個蛋糕俾佢再踢佢出餐廳既事啦。話哂佢最後都算乞求過我⋯⋯
其實，
大家如果唔想訂枱食飯唔想限時，就簡平日啦。
五，六，日Lee D 日子，真係唔好咁天真啦。
除非，你係好好好好好洗得，而且非常非常非常有禮貌，咁都可以幫下你。但要做齊LEE兩樣野既人，根本。唔。會。係。我。果。區。出。現。囉！
Search